思念你
《思念你》Su-liām Lí
林俊吉Lîm Tsùn-kiat
——————————————
小雨的暗暝
sió-hōo ê àm-mî
雨綿綿的彼一日
hōo mî-mî ê hit-tsi̍t-ji̍t
時常會想起
sî-siông ē siūnn-khí
咱兩人的過去
lán nn̄g-lâng ê kuè-khì
你恬恬佇阮身邊
lí tiām-tiām tī gún sin-pinn
暫時來分開
tsiām-sî lâi hun-khui
心內猶原感謝你
sim-lāi iu-guân kám-siā lí
感謝你
kám-siā lí
溫暖疼惜阮的心
un-luán thiànn-sioh gún ê sim
予我有勇氣等待你
hōo guá ū ióng-khì tán-thāi lí
愛情是兩人的學習
ài-tsîng sī nn̄g-lâng ê ha̍k-si̍p
毋是放袂開分袂離
m̄-sī pàng buē-khui hun buē-lī
緣份的長短是天意
iân-hūn ê tn̂g-té sī thinn-ì
有情毋驚命運來創治
ū-tsîng m̄-kiann miā-ūn lâi tshòng-tī
我願意將心交予你
guá guān-ì tsiong sim kau hōo lí
望你疼惜的真心真意
bāng lí thiànn-sioh ê tsin-sim tsin-ì
感謝你對阮的認真
kám-siā lí tuì gún ê jīn-tsin
無計較付出的溫情
bô kè-kàu hù-tshut ê un-tsîng
我思念你
guá su-liām lí
