莫聽情歌
《莫聽情歌》Mài Thiann Tsîng-kua
李婭莎Lí À-so
——————————————
纏纏綿綿舊情歌
tînn-tînn-mî-mî kū tsîng-kua
掀掀崁崁新被單
hian-hian khàm-khàm sin phuē-tuann
哪會一直孤單幾若冬
ná ē it-ti̍t koo-tuann kuí-lō tang
煞來無眠受拖磨
suah lâi bô-bîn siū thua-buâ
恩恩愛愛變成空
un-un-ài-ài piàn-sîng khang
思思戀戀無彩工
su-su-luân-luân bô-tshái-kang
愛你恨你想你透心疼
ài lí hūn lí siūnn lí thàu-sim thiànn
離手的人較輕鬆
lî-tshiú ê lâng khah khin-sang
若毋是彼首情歌
nā-m̄-sī hit siú tsîng-kua
雄雄唱袂煞
hiông-hiông tshiùnn buē-suah
阮袂來鬱卒
gún buē lâi ut-tsut
孤夜無伴
koo-iā bô-phuānn
已經等無你的人
í-king tán-bô lí ê lâng
夢無你的夢
bāng-bô lí ê bāng
誰知你來鑽入心肝
siáng tsai lí lâi tsǹg-ji̍p sim-kuann
茫茫的彼首情歌
bâng-bâng ê hit siú tsîng-kua
綿綿唱袂煞
mî-mî tshiùnn buē-suah
阮袂來怨嘆反背的人
gún buē lâi uàn-thàn huán-puē ê lâng
情歌猶原遮好聽
tsîng-kua iu-guân tsiah hó-thiann
情路遐歹行
tsîng-lōo hiah pháinn-kiânn
寂寞的心
tsi̍k-bo̍k ê sim
莫聽情歌
mài thiann tsîng-kua
