用心去拍拚
《用心去拍拚》Iōng-sim Khì Phah-piànn
余天龍Î Thian-liông
——————————————
雄雄越頭詳細看
hiông-hiông ua̍t-thâu siông-sè khuànn
人生親像山嶺
jîn-sing tshin-tshiūnn peh suann-niá
世情冷暖心畏寒
sè-tsîng líng-luán sim uì-kuânn
行過的路
kiânn–kuè ê lōo
只有淚佮汗
tsí-ū luī kah kuānn
我無選擇的條件
guá bô suán-ti̍k ê tiâu-kiānn
只有用心去拍拚
tsí-ū iōng-sim khì phah-piànn
我已經認清了性命
guá í-king jīn-tshing liáu sìnn-miā
風風雨雨嘛著行
hong-hong-ú-ú mā tio̍h kiânn
心堅定親像山
sim kian-tīng tshin-tshiūnn suann
毋知啥物叫做驚
m̄-tsai siánn-mih kiò-tsuè kiann
毋知啥物叫做疼
m̄-tsai siánn-mih kiò-tsuè thiànn
請你鼓勵我
tshiánn lí kóo-lē guá
予我愛的掌聲
hōo guá ài ê tsiáng-siann
有你做伴
ū lí tsuè-phuānn
永遠袂孤單
íng-uán buē koo-tuann
