痴情行船人
《痴情行船人》Tshi-tsîng kiânn-tsûn-lâng
余天龍Î Thian-liông
——————————————
阮細漢佇港口大
gún sè-hàn tī káng-kháu tuā
討海掠魚為生活
thó-hái lia̍h-hî uī sing-ua̍h
啥人佮意行船人
siánn-lâng kah-ì kiânn-tsûn-lâng
風吹日曝
hong tshue ji̍t pha̍k
嘛愛出帆
mā ài tshut-phâng
啊~痴情行船人
ah~ tshi-tsîng kiânn-tsûn-lâng
毋驚風湧霜雪凍
m̄-kiann hong-íng sng-seh tàng
啊~痴情行船人
ah~ tshi-tsîng kiânn-tsûn-lâng
毋驚波浪有偌懸
m̄-kiann pho-lōng ū guā kuân
心愛的人
sim-ài ê lâng
請你等待我
tshiánn lí tán-thāi guá
滿載魚蝦船入港
buán-tsài hî-hê tsûn ji̍p-káng
予你過著
hōo lí kuè tio̍h
甜蜜好日子
tinn-bi̍t hó ji̍t-tsí
行船人
kiânn-tsûn-lâng
愛你到永遠
ài lí kàu íng-uán
