心咧落雪
《心咧落雪》Sim Teh Lo̍h-seh
于台煙Î Tâi-ian
——————————————
天哪會遮爾冷
thinn ná ē tsiah-nī líng
敢講知影阮的心情
kám-kóng tsai-iánn gún ê sim-tsîng
已經親像雪
í-king tshin-tshiūnn seh
冷甲完全攏無感情
líng kah uân-tsuân lóng bô kám-tsîng
雨哪會落袂停
hōo ná ē lo̍h buē-thîng
敢講了解阮的目屎
kám-kóng liáu-kái gún ê ba̍k-sái
已經親像溪
í-king tshin-tshiūnn khe
流對大海彼一爿
lâu tuì tuā-hái hit tsi̍t-pîng
阮的悲哀
gún ê pi-ai
你哪攏毋知
lí ná lóng m̄-tsai
阮的艱苦
gún ê kan-khóo
你攏袂了解
lí lóng buē liáu-kái
敢講咱的愛
kám-kóng lán ê ài
已經無感覺
í-king bô kám-kak
敢講咱的情
kám-kóng lán ê tsîng
已經分東西
í-king hun tang-sai
天猶原遮爾冷
thinn iu-guân tsiah-nī líng
雨猶原落袂停
hōo iu-guân lo̍h buē-thîng
阮的心
gún ê sim
已經咧落雪
í-king teh lo̍h-seh
阮的目屎
gún ê ba̍k-sái
已經結做冰
í-king kiat-tsuè ping
