勸世歌
《勸世歌》Khuàn-sè-kua
黃秋田N̂g Tshiu-tiân
——————————————
各位觀眾好朋友
kok-uī kuan-tsiòng hó pîng-iú
聽我唸歌解憂愁
thiann guá liām-kua kái iu-tshiû
我秋田頇顢閣無研究
guá Tshiu-tiân han-bān koh bô gián-kiù
望恁鼓勵鬥捀場
bāng lín kóo-lē tàu phâng tiûnn
勸世的歌萬百種
khǹg-sè ê kua bān-pah tsióng
一款奸詐心肝雄
tsi̍t-khuán kan-tsà sim-kuann hiông
也有講話閣無修養
iā ū kóng-uē koh bô siu-ióng
嘛有生做誠盡忠
mā ū sinn-tsò tsiânn tsīn-tiong
做人奸雄無路用
tsuè-lâng kan-hiông bô-lōo-īng
這世搶人後世還
tsit-sè tshiúnn–lâng āu-sì hîng
善惡到尾有報應
siān-ok kàu-bué ū pò-ìng
遠在千里近目前
hn̄g tsāi tshian-lí kīn ba̍k-tsîng
世間好歹無地比
sè-kan hó-pháinn bô-tè pí
咱毋免欣羨人有錢
lán m̄-bián him-siān lâng ū-tsînn
認真拍拚靠自己
jīn-tsin phah-piànn khò tsū-kí
圓人會扁是扁會圓
înn lâng ē pínn sī pínn ē înn
做人善良莫逆天
tsuè-lâng siān-liông mài gi̍k-thinn
人生短短幾十年
jîn-sing té-té kuí-tsa̍p nî
互相體諒才合理
hōo-siong thé-liōng tsiah ha̍p-lí
爭權奪利是無了時
tsing-khuân tua̍t-lī sī bô-liáu-sî
少年姊妹眾兄哥
siàu-liân tsí-muē tsiòng hiann-ko
咱來聽歌若?迌
lán lâi thiann kua ná tshit-thô
我秋田頇顢閣唱無好
guá Tshiu-tiân han-bān koh tshiùnn bô-hó
當做閒閒聽相褒
tòng-tsò îng-îng thiann sio-po
小弟祝恁大趁錢
sió-tī tsiok lín tuā thàn-tsînn
身體健康食百二
sin-thé kiān-khong tsia̍h pah-jī
萬事如意有福氣
bān-sū jû-ì ū hok-khì
代代出著好囝兒
tāi-tāi tshut tio̍h hó kiánn-jî
