有緣無份的人
《有緣無份的人》Ū-iân Bô-hūn ê Lâng
曾心梅Tsan Sim-muî
——————————————
原諒我袂當愛你
guân-liōng guá buē-tàng ài lí
我的心已經予別人
guá ê sim í-king hōo pa̍t-lâng
明知這款的答案
bîng-tsai tsit khuán ê tap-àn
傷你的心
siong lí ê sim
害你目屎珠淚滴
hāi lí ba̍k-sái tsu-luī tih
但願是暫時
tān-guān sī tsiām-sî
你對我的好
lí tuì guá ê hó
你的真情意
lí ê tsin tsîng-ì
恐驚我
khióng-kiann guá
永遠攏無法度還
íng-uán lóng bô-huat-tōo hîng
我會好好
guá ē hó-hó
將你囥佇心肝頂
tsiong lí khǹg tī sim-kuann tíng
有緣無份的人
ū-iân bô-hūn ê lâng
雖然咱袂當鬥陣
sui-jiân lán buē-tàng tàu-tīn
總是希望
tsóng-sī hi-bāng
你過著好日子
lí kuè tio̍h hó ji̍t-tsí
請你毋通閣傷悲
tshiánn lí m̄-thang koh siong-pi
希望你的愛
hi-bāng lí ê ài
早一日揣著春天
tsá tsi̍t-ji̍t tshuē-tio̍h tshun-thinn
