拍開心內的窗
《拍開心內的窗》Phah-khui Sim-lāi ê Thang
曾心梅Tsan Sim-muî
——————————————
袂當放開的情
buē-tàng pàng–khui ê tsîng
使人心頭煩
sú-lâng sim-thâu huân
你到底有啥吸引我
lí tàu-té ū siánn khip-ín guá
予我遮毋甘
hōo guá tsiah m̄-kam
明明知影你是假
bîng-bîng tsai-iánn lí sī ké
有無我攏無差
ū bô guá lóng bô-tsha
冗早結束較規氣
liōng-tsá kiat-sok khah kui-khì
嘛免傷怨嘆
mā bián siunn uàn-thàn
想欲佮你過規世人
siūnn-beh kah lí kuè kui-sì-lâng
嘛想欲愛你疼痛
mā siūnn-beh ài lí thiànn-thàng
對你一片真心真意
tuì lí it-phiàn tsin-sim tsin-ì
得著是無半項
tit–tio̍h sī bô-puànn-hāng
世間查埔佗一个
sè-kan tsa-poo tó tsi̍t-ê
親像你仝款
tshin-tshiūnn lí kāng-khuán
明明對我無認真
bîng-bîng tuì guá bô jīn-tsin
予我閣全希望
hōo guá koh tsuân hi-bāng
離開無奈的過去
lī-khui bô-nāi ê kuè-khì
拍開心內的窗
phah-khui sim-lāi ê thang
放棄無情無義的你
hòng-khì bô-tsîng-bô-gī ê lí
一切攏變成空
it-tshè lóng piàn-sîng khang
希望你會當了解
hi-bāng lí ē-tàng liáu-kái
我已經變無仝
guá í-king piàn bô-kāng
因為我已經看破
in-uī guá í-king khuànn-phuà
這个無可能的夢
tsit ê bô-khó-lîng ê bāng
