圓環邊的小姑娘
《圓環邊的小姑娘》Înn-khuân Pinn ê Sió-koo-niû
莊明珠Tsng Bîng-tsu
——————————————
圓環邊有一个
înn-khuân pinn ū tsi̍t-ê
活潑的姑娘
hua̍t-phuat ê koo-niû
烏色頭毛電虯虯
oo-sik thâu-mn̂g tiān khiû-khiû
打扮外國的模樣
tánn-pān guā-kok ê bôo-iūnn
三寸半的懸屐hì-luh(high-heels)
sann-tshùn-puànn ê kuân-kia̍h hì-luh
？？掛在手
tá-tsuh kuà tsāi tshiú
一對大目睭
tsi̍t-tuì tuā ba̍k-tsiu
若予伊看著
nā hōo i khuànn–tio̍h
心也驚袂休
sim iā kiann buē hiu
圓環邊可愛的
înn-khuân pinn khó-ài ê
一个媠姑娘
tsi̍t-ê suí koo-niû
外貌生做真溫柔
guā-māu sinn-tsuè tsin un-jiû
風度也是真幼秀
hong-tōo iā-sī tsin iù-siù
職業就是踮在舞廳
tsit-gia̍p tsiū-sī tiàm-tsāi bú-thiann
唱歌的歌手
tshiùnn-kua ê kua-tshiú
真濟少年家
tsin tsē siàu-liân-ke
為著伊一人
uī-tio̍h i tsi̍t-lâng
失戀啉燒酒
sit-luân lim sio-tsiú
有時陣圓環邊
ū-sî-tsūn înn-khuân pinn
一个媠姑娘
tsi̍t-ê suí koo-niû
踮在路邊慢慢遊
tiàm-tsāi lōo-pinn bān-bān iû
親像想欲交朋友
tshin-tshiūnn siūnn-beh kau pîng-iú
伊用彼對最迷人
i iōng hit tuì tsuè bê-lâng
烏色大目睭
oo-sik tuā ba̍k-tsiu
對著伊心內
tuì tio̍h i sim-lāi
所愛的彼个少年家
sóo ài ê hit ê siàu-liân-ke
出手
tshut-tshiú
