大聲來唱歌
《大聲來唱歌》Tuā-siann Lâi Tshiùnn-kua
邱賢桂Khu Hiân-kuì
——————————————
唱著上愛的歌
tshiùnn tio̍h siōng ài ê kua
有緣鬥陣來做伴
ū-iân tàu-tīn lâi tsuè-phuānn
溫暖的心情
un-luán ê sim-tsiânn
風攏吹袂散
hong lóng tshue buē suànn
青春的年華
tshing-tshun ê nî-huâ
有你做伙貼心肝
ū lí tsuè-hué tah-sim-kuann
感謝的歌
kám-siā ê kua
表達袂煞
piáu-ta̍t buē-suah
熱情大聲來喝
jia̍t-tsîng tuā-siann lâi huah
大聲來唱歌
tuā-siann lâi tshiùnn-kua
音樂聲聲彈
im-ga̍k siann-siann tuânn
舞臺閃爍燈光
bú-tâi siám-sih ting-kng
彩煙陣陣
tshái-ian tsūn-tsūn
氣氛燒滾滾
khì-hun sio-kún-kún
搖動舞臺人生
iô-tāng bú-tâi jîn-sing
開闊的心情
khui-khuah ê sim-tsîng
快樂毋通停
khuài-lo̍k m̄-thang thîng
幸福情境
hīng-hok tsîng-kíng
迷人心境
bê-lâng sim-kíng
陪伴著天星
puê-phuānn tio̍h thinn-tshinn
閃袂停
siám buē-thîng
