三更夢

《三更夢》Sann-kinn Bāng

邱賢桂Khu Hiân-kuì

——————————————

夕陽落山水帶紅

si̍k-iông lo̍h-san tsuí tài âng

海面孤單的小孤帆

hái-bīn koo-tuann ê sió koo-phâng

今日有啥人來相送

kim-ji̍t ū siánn-lâng lâi sio-sàng

只有海水白茫茫

tsí-ū hái-tsuí pe̍h-bâng-bâng

緣已盡

iân í tsīn

情難放

tsîng lân pàng

記持總是太沉重

kì-tî tsóng-sī thài tîm-tāng

三更醒來悲戀夢

sann-kinn tshínn–lâi pi-luân bāng

上蓋痛苦是痴情人

siōng-kài thòng-khóo sī tshi-tsîng-lâng

夢愈遠

bāng jú hn̄g

心茫茫

sim bâng-bâng

往事總是放袂空

óng-sū tsóng-sī pàng buē khang

滴滴小雨潑樓窗

tih-tih sió-hōo phuah lâu-thang

風雨無情

hong-hōo bô-tsîng

心碎阮一人

sim tshuì gún tsi̍t-lâng