你真無意思
《你真無意思》Lí Tsin Bô-ì-sù
天津Tian-tin
——————————————
約束彼个好日子
iok-sok hit ê hó ji̍t-tsí
欲在花開春天時
beh tsāi hue khui tshun-thinn sî
怎樣欲來相創治
tsánn-iūnn beh lâi sio tshòng-tī
到時做你走分離
kàu-sî tsuè lí tsáu hun-lî
閣也無對阮通知
koh iā bô tuì gún thong-ti
到底我是啥代誌
tàu-té guá sī siánn tāi-tsì
引你遮受氣
ín lí tsiah siū-khì
啊~你實在無情無理
ah~ lí si̍t-tsāi bô-tsîng-bô-lí
前日鬥陣啉咖啡
tsîng-ji̍t tàu-tīn lim ka-pi
猶閣講甲笑微微
iáu-koh kóng kah tshiò bî-bî
怎樣欲變做一時
tsánn-iūnn beh piàn tsuè-tsi̍t-sî
衫褲物件搬離離
sann-khòo mi̍h-kiānn puann lī-lī
閣也無帶念情義
koh iā bô tài-liām tsîng-gī
最後走來我身邊
tsuè-āu tsáu-lâi guá sin-pinn
佮阮來相辭
kah gún lâi sio-sî
啊~你實在無情無理
ah~ lí si̍t-tsāi bô-tsîng-bô-lí
彼跤訂婚金手指
hit kha tīng-hun kim tshiú-tsí
彼粒彩色bu-lòo-tsih
hit lia̍p tshái-sik bu-lòo-tsih (brooch, 胸前花，鉼佇胸坎的裝飾品)
怎樣擲在眠床墘
tsánn-iūnn tàn tsāi bîn-tshn̂g-kînn
到底抱著啥心意
tàu-tué phāu-tio̍h siánn sim-ì
閣也無想欲寫批
koh iā bô siūnn-beh siá-phue
將著詳細的代誌
tsiong tio̍h siông-sè ê tāi-tsì
對阮來表示
tuì gún lâi piáu-sī
啊~你實在無情無理
ah~ lí si̍t-tsāi bô-tsîng bô-lí
