黛安娜
《黛安娜》Tāi-an-ná
文夏Bûn-hā
——————————————
有人講你的年紀
ū-lâng kóng lí ê nî-kí
比我較大
pí guá khah tuā
我少年
guá siàu-liân
但是毋管人的喙
nā sī m̄-kuán lâng ê tshuì
我是熱情咧愛你
guá sī jia̍t-tsîng teh ài lí
只希望你像小鳥
tsí hi-bāng lí tshiūnn sió-tsiáu
幸福快樂過一世
hīng-hok khuài-lo̍k kuè tsi̍t-sè
喔~永遠愛著你
ooh~ íng-uán ài tio̍h lí
黛安娜
Tāi-an-ná
靠倚著你的身軀邊
khò-í tio̍h lí ê sin-khu-pinn
我的跤手爍爍顫
guá ê kha-tshiú sih-sih tsùn
毋通來離開我身邊
m̄-thang lâi lī-khui guá sin-pinn
我的心像火燒山
guá ê sim tshiūnn hué-sio-suann
你敢會知影我心情
lí kám ē tsai-iánn guá sim-tsîng
希望你永遠愛著我
hi-bāng lí íng-uán ài tio̍h guá
喔~請你愛著我
ooh~ tshiánn lí ài tio̍h guá
黛安娜
Tāi-an-ná
請你坦白對我表明
tshiánn lí thán-pe̍h tuì guá piáu-bîng
除去了我
tû-khì liáu guá
無愛別人
bô-ài pa̍t-lâng
向我立誓愛著我
hiòng guá li̍p-sè ài tio̍h guá
啊喔~我的心肝
ah-ooh~ guá ê sim-kuann
是你的
sī lí ê
我的心為你迷醉
guá ê sim uī lí bê-tsuì
你的妖嬌佮美麗
lí ê iau-kiau kah bí-lē
全部攏總是我的
tsuân-pōo lóng-tsóng sī guá ê
請你雙手抱著我
tshiánn lí siang-tshiú phō tio̍h guá
緊緊大力抱著我
kín-kín tuā-la̍t phō tio̍h guá
喔~請你無放我
ooh~ tshiánn lí bô pàng guá
黛安娜
Tāi-an-ná
