青春的馬車
《青春的馬車》Tshing-tshun ê Bé-tshia
文夏Bûn-hā
——————————————
載著甘蜜好情義
tsài tio̍h kam-bi̍t hó tsîng-gī
跑過山嶺路
pháu kè suann-niá lōo
沿路雙人唱情歌
iân-lōo siang-lâng tshiùnn tsîng-kua
向著好前途
hiòng tio̍h hó tsiân-tôo
你有我踮在身邊
lí ū guá tiàm-tsāi sin-pinn
來做伴
lâi tsò-phuānn
當然是
tong-jiân sī
袂來感覺心寂寞
bē lâi kám-kak sim tsi̍k-bo̍k
你看覓
lí khuànn-māi
前面天邊
tsîng-bīn thinn-pinn
美麗浮紅雲
bí-lē phû âng-hûn
謼啦謼啦謼啦謼啦
hooh-lah hooh-lah hooh-lah hooh-lah
配合咱的心
phuè-ha̍p lán ê sim
親像祝賀
tshin-tshiūnn tsiok-hō
咱這台青春的馬車
lán tsit tâi tshing-tshun ê bé-tshia
對著田園
tuì tio̍h tshân-hn̂g
飛過來一對白翎鷥
pue kè-lâi tsi̍t-tuì pe̍h-līng-si
飛到你我馬車邊
pue kàu lí guá bé-tshia pinn
頭殼閣敧敧
thâu-khak koh khi-khi
一定是
it-tīng sī
看咱雙人踮車內
khuànn lán siang-lâng tiàm tshia-lāi
互相來談起
hōo-siong lâi tâm-khí
情話甘蜜甜
tsîng-uē kam-bi̍t-tinn
你看覓
lí khuànn-māi
風來搖動
hong lâi iô-tāng
彼欉玫瑰花
hit tsâng muê-kuì-hue
謼啦謼啦謼啦謼啦
hooh-lah hooh-lah hooh-lah hooh-lah
溫暖咱的心
un-luán lán ê sim
親像送著
tshin-tshiūnn sàng tio̍h
咱這台青春的馬車
lán tsit tâi tshing-tshun ê bé-tshia
著山路到湖邊
peh tio̍h suann-lōo kàu ôo-pinn
將近日頭落
tsiong-kīn ji̍t-thâu lo̍h
東爿月娘點胭脂
tang-pîng ge̍h-niû tiám ian-tsi
浮出小山坡
phû-tshut sió suann-pho
笑微微
tshiò bî-bî
接咱這對好伴侶
tsiap lán tsit tuì hó phuānn-lī
歡喜著你我
huann-hí tio̍h lí guá
青春有倚靠
tshing-tshun ū uá-khò
咱來聽
lán lâi thiann
美妙蟲聲
bí-biāu thâng-siann
伴奏熱情歌
phuānn-tsàu jia̍t-tsîng kua
謼啦謼啦謼啦謼啦
hooh-lah hooh-lah hooh-lah hooh-lah
安慰咱的心
an-uì lán ê sim
親像歡迎
tshin-tshiūnn huan-gîng
咱這台青春的馬車
lán tsit tâi tshing-tshun ê bé-tshia
