田庄情歌
https://www.youtube.com/watch?v=_gDxIPPi_Kk
《田庄情歌》Tshân-tsng Tsîng-kua
邱蘭芬Khu Lân-hun
——————————————
欲食好魚近水墘喔
beh tsia̍h hó hî kīn tsuí-kînn–ooh
欲交娘仔近厝邊
beh kau niû-á kīn tshù-pinn
三不五時通相見
sam-put-gōo-sî thang sann-kìnn
較好雲開見月時
khah hó hûn khui kiàn-ge̍h sî
天頂落雨粒粒滴喔
thinn-tíng lo̍h-hōo lia̍p-lia̍p tih–ooh
糙米縛粽袂做堆
tshò-bí pa̍k tsàng buē tsuè-tui
舊年佮哥無熟似
kū-nî kah ko bô si̍k-sāi
今年佮哥分袂開
kin-nî kah ko hun buē-khui
小娘約哥後壁溝喔
sió-niû iok ko āu-piah kau–ooh
假意搬椅去梳頭
ké-ì puann í khì se-thâu
貼心若來著khām嗽
tah-sim nā lâi tio̍h khām-sàu
哥仔搖手娘頕頭
ko-á iô tshiú niû tàm-thâu
含笑過路捀弓蕉喔
hâm tshiò kuè lōo phâng king-tsio–ooh
手捾花籃挽茶葉
tshiú kuānn hue-nâ bán tê-hio̍h
驚爸驚母毋敢叫
kiann pē kiann bú m̄-kánn kiò
假意呼雞喝鴟鴞
ké-ì khoo ke huah bā-hio̍h
