正義者
《正義者》Tsìng-gī-tsiá
呂敏郎Lū Bín-lông(呂金守Lū Kim-siú)
黃俊雄N̂g Tsùn-hiong
——————————————
武林中一个男兒
bú-lîm tiong tsi̍t-ê lâm-jî
毋驚生抑死
m̄-kiann sinn ia̍h sí
為人道為正氣
uī jîn-tō uī tsìng-khì
爭取著勝利
tsing-tshú tio̍h sìng-lī
應該助貧扶弱心理
ing-kai tsōo-pîn hû-jio̍k sim-lí
替人做代誌
thuè lâng tsuè tāi-tsì
這款的意志
tsit khuán ê ì-tsì
這款的意志
tsit khuán ê ì-tsì
才是好男兒
tsiah-sī hó lâm-jî
↓↓(口白)—(口白)—(口白)↓↓
英雄
ing-hiông
自古英雄多折磨
tsū-kóo ing-hiông to tsiat-môo
每一个英雄
muí tsi̍t-ê ing-hiông
都是受過真濟的磨練
to-sī siū kuè tsin tsuē ê môo-liān
所以伊的身心
sóo-í i ê sin-sim
比別人有較堅強啦
pí pa̍t-lâng ū khah kian-kiông–lah
正義者
tsìng-gī-tsiá
自古的正義者
tsū-kóo ê tsìng-gī-tsiá
就是食虧在邪惡的手頭
tō-sī tsia̍h-khui tsāi siâ-ok ê tshiú-thâu
不計其數
put-kè kî-sòo
但是正義者
tān-sī tsìng-gī-tsiá
有不屈不撓的精神
ū put-khut put-láu ê tsing-sîn
佇咧維護著
tī-leh uî-hōo tio̍h
固有社會的倫理佮道德
kòo-iú siā-huē ê lûn-lí kah tō-tik
正義者
tsìng-gī-tsiá
無論歷盡堅辛苦劫
bô-lūn li̍k-tsīn kian-sin khóo-kiap
抑是粉身碎骨
ia̍h-sī hún-sin tshuì-kut
都欲支持著正義啦
to beh tsi-tshî tio̍h tsìng-gī–lah
來吧!邪魔
lâi pah! siâ-môo
欲鬥就來吧!
bueh tàu tsiū lâi–pah
毋驚你親像
m̄-kiann lí tshin-tshiūnn
狗蟻遐爾濟
káu-hiā hiah-nī tsuē
正義者憑著
tsìng-gī-tsiá pîn tio̍h
一口萬勝的寶劍
tsi̍t-kháu bān-sìng ê pó-kiàm
斬盡了所有的邪魔啦!
tsám tsīn liáu sóo-ū ê siâ-môo–lah
哈哈哈哈
hah hah hah hah
一正能定萬邪啦!
it tsìng lîng tīng bān siâ–lah
哈哈哈哈哈哈
hah hah hah hah hah hah~
↑↑(口白)—(口白)—(口白)↑↑
武林中一个男兒
bú-lîm tiong tsi̍t-ê lâm-jî
有情佮有義
ū-tsîng kah ū-gī
非人道手段
hui jîn-tō tshiú-tuānn
是小人的用意
sī siáu-jîn ê iōng-ì
五尺以上
gōo-tshioh í-siōng
勇敢男兒
ióng-kám lâm-jî
清白做代誌
tshing-pi̍k tsuè tāi-tsì
這款的情義
tsit khuán ê tsîng-gī
這款的情義
tsit khuán ê tsîng-gī
才是好男兒
tsiah-sī hó lâm-jî
