看破毋敢愛
《看破毋敢愛》Khuànn-phuà M̄-kánn Ài
青青Tshing-tshing
——————————————
希望甜蜜的情愛
hi-bāng tinn-bi̍t ê tsîng-ài
溫暖著阮的心內
un-luán tio̍h gún ê sim-lāi
無疑今日被情害
bô-gî kim-ji̍t pī tsîng hāi
痛苦啥人知
thòng-khóo siánn-lâng tsai
雖然是
sui-jiân sī
用薰用酒解
iōng hun iōng tsiú kái
也袂當阻止
iā buē-tàng tsóo-tsí
我傷心的目屎
guá siong-sim ê ba̍k-sái
像這款悽慘的愛
tshiūnn tsit khuán tshinn-tshám ê ài
誤阮一生佮將來
gōo gún it-sing kah tsiong-lâi
看破毋敢愛
khuànn-phuà m̄-kánn ài
