人生的戲做伙搬
人生的戲做伙搬 Jîn-sing ê hì tsò-hué puann（人生的戲作伙播）
泥洹之迫 Nî-huân-tsi-pik（Urging Oblivion）
——————————————-
日子 一工過一工 親像一个傀儡
Ji̍t-tsí, tsi̍t-kang kuè tsi̍t-kang, tshin-tshiūnn tsi̍t-ê ka-lé
雺霧的眼前 刺疫表心情
Bông-bū ê gán-tsîng, tshiah-ia̍h piáusim-tsiânn
每一个人註定出世 就應該 面對著考驗 一冬過去閣一冬
Muí-tsit-ê lâng tsù-tiānn tshut-sì, tō ing-kai, bīn-tuì tio̍h khó-giām, tsi̍t-tang kuè-khì koh tsi̍t-tang
阮袂當 來解脫 這是無奈人生折磨
Gún bē-tàng, lâi kái-thuat, tse-sī bû-nāi jîn-sing tsiat-buâ
來，有啥物款的憂愁講出來
Lâi, ū siánn-mih-khuán ê iu-tshiû kóng-tshut-lâi
你我攏是條直咧拍拚
Lí-guā lóng-sī tiâu-ti̍t leh phah-piànn
就算講古 嘛較快活
Tiō-sǹg kóng-kóo, mā khah khuìnn-ua̍h
來，有啥物款的操煩講出來
Lâi, ū siánn-mih-khuán ê tshau-huân kóng-tshut-lâi
你我攏是仝款咧忍耐
Lí-guā lóng-sī kāng-khuánn leh jím-nāi
捧杯 啉予痛快
Phâng-pue, lim hōo thòng-khuài
看破眼前的美夢
Khuànn-phuà gán-tsîng ê bí-bāng
有你佮我鬥陣行
Ū lí kah guā tàu-tīn kiânn
無論風霜有偌大
Bô-lūn hong-song ū-juā tuā
人生的戲做伙搬
Jîn-sing ê hì tsò-hué puann
每一个人註定出世 就應該 面對著考驗 一冬過去閣一冬
Muí-tsit-ê lâng tsù-tiānn tshut-sì, tō ing-kai, bīn-tuì tio̍h khó-giām, tsi̍t-tang kuè-khì koh tsi̍t-tang
阮袂當 來解脫 這是無奈人生折磨
Gún bē-tàng, lâi kái-thuat, tse-sī bû-nāi jîn-sing tsiat-buâ
莫數想恬恬等待 會改變未來
Mài siàu-siūnn tiām-tiām tán-thāi, ēkái-piàn bī-lâi
運命笑看著我孤單悲哀
Ūn-miā tshiò-khuànn tio̍h guā koo-tuann pi-ai
看破眼前的美夢
Khuànn-phuà gán-tsîng ê bí-bāng
有你佮我鬥陣行
Ū lí kah guā tàu-tīn kiânn
無論風霜有偌大
Bô-lūn hong-song ū-juā tuā
人生的戲做伙搬
Jîn-sing ê hì tsò-hué puann
看袂著 面前希望
Khuànn bē-tio̍h, bīn-tsîng hi-bāng
阮毋願 一人孤單行
Gún m̄-guān, tsi̍t-lâng koo-tuann kiânn
阮毋願 家己哭出聲
Gún m̄-guān, ka-tī khàu tshut-siann
手中溫度嘛漸漸冷卻，誰來陪伴
Tshiú-tiong un-tōo mā tsiām-tsiām líng-khiok, siáng lâi puê-phuānn
疼入心肝
Thiànn-ji̍p sim-kuann
心內的溫度嘛隨風降
Sim-tiong ê un-tōo mā suî hong kàng
降入腹嘛無人疼
Kàng ji̍p pak mā bô-lâng thiànn
呼喚 阮的名 聲聲苦疼
Hoo-huàn, gún ê miâ, siann-siann khóo-thiànn
遙遠的歌聲 是阮的夢
Iâu-uán ê kua-siann, sī gún ê bang
唱著歡喜的歌 聲聲充滿著希望
Tshiùnn tio̍h huann-hí ê kua, siann-siann tshiong-muá tio̍h hi-bāng
歌中有你有我
Kua toing ū lí ū guá
搬出你我的心聲
Puann tshut lí-guá ê sim-siann
