枵鬼愛予人請
《枵鬼愛予人請》Iau-kuí Ài Hōo-lâng Tshiánn
明旭Bîng-hiok
——————————————
人生在世間
jîn-sing tsāi sè-kan
親像咧眠夢
tshin-tshiūnn teh bîn-bāng
做人毋通
tsuè-lâng m̄-thang
看錢看遐重
khuànn tsînn khuànn hiah tāng
有趁無趁
ū thàn bô thàn
嘛請你免怨嘆
mā tshiánn lí bián uàn-thàn
有食有穿
ū tsia̍h ū tshīng
骨頭齊輕鬆
kut-thâu tsiâu khin-sang
↓—(口白)—↓
阮厝踮在關仔嶺
gún tshù tiàm-tsāi Kuan-á-niá
人人叫我內山兄
lâng-lâng kiò guá lāi-suann hiann
講我枵鬼閣愛食
kóng guá iau-kuí koh ài-tsia̍h
其實我是愛夆請
kî-si̍t guá sī ài hông tshiánn
↑—(口白)—↑
朋友踮在
pîng-iú tiàm-tsāi
屏東的阿猴
Pîn-tong ê A-kâu
今仔日結婚
kia̋nn-ji̍t kiat-hun
的確真熱鬧
tik-khak tsin jia̍t-nāu
開桌時間
khui-toh sî-kan
六點已經到
la̍k tiám í-king kàu
為著食一頓
uī-tio̍h tsia̍h tsi̍t-tǹg
走甲汗那流
tsáu kah kuānn ná lâu
↓—(口白)—↓
講著夆請我逐攤到
kóng-tio̍h hông tshiánn guá ta̍k-thuann kàu
毋捌拄著這齣頭
m̄-bat tú-tio̍h tse tshut-thâu
走甲到位汗那流
tsáu kah kàu-uī kuānn ná lâu
啊酒菜食了欲放炮
ah tsiú-tshài tsia̍h liáu beh pàng-phàu
↑—(口白)—↑
五月十三
gōo-ge̍h tsa̍p-sann
臺北迎城隍
Tâi-pak ngiâ Sîng-hông
古早朋友
kóo-tsá pîng-iú
踮在太平通
tiàm-tsāi Thài-pîng-thong
為著愛食
uī-tio̍h ài-tsia̍h
刁工來相逢
thiau-kang lâi siong-hông
無疑朋友
bô-gî pîng-iú
搬去大龍泵
puann-khì Tuā-lông-pōng
↓—(口白)—↓
為著今仔日欲夆請
uī-tio̍h kia̋nn-ji̍t beh hông tshiánn
啊七早八早著坐車
ah tshit-tsá-pueh-tsá tio̍h tsē-tshia
下晡三點到大稻埕
ē-poo sann-tiám kàu Tuā-tiū-tiânn
啊朋友搬厝煞免食了
ah pîng-iú puann-tshù suah bián tsia̍h–liáu
講著夆請我上蓋興
kóng-tio̍h hông tshiánn guá siōng-kài hìng
若是請人我走代先
nā-sī tshiánn–lâng guá tsáu tāi-sing
若是夆請我袂?
nā-sī hông tshiánn guá buē siān
啊講著請人我無閒喔
ah kóng-tio̍h tshiánn–lâng guá bô-îng–ooh
