我也是愛你
《我也是愛你》Guá Iā-sī Ài Lí
尤卿Iû Khing
——————————————
孤一个來到都市
koo tsi̍t-ê lâi-kàu too-tshī
為著心愛的不得已
uī-tio̍h sim-ài–ê put-tik-í
甘願來脫離著家庭
kam-guān lâi thuat-lî tio̍h ka-tîng
也是為著我愛你
iā-sī uī-tio̍h guá ài lí
真無疑你轉來
tsin bô-gî lí tńg–lâi
予人料想袂到啦
hōo-lâng liāu-sióng buē-kàu–lah
兩年前兩年後
nn̄g-nî tsîng nn̄g-nî āu
你就變成
lí tiō piàn-sîng
一个無情的人
tsi̍t-ê bô-tsîng ê lâng
雖然是你來變心
sui-jiân sī lí lâi piàn-sim
我也猶原咧愛你
guá iā iu-guân teh ài lí
無論你怎樣的無情
bô-lūn lí tsuánn-iūnn ê bô-tsîng
我咧愛你心堅定
guá teh ài lí sim kian-tīng
真情愛的對待
tsin tsîng-ài ê tuì-thāi
你敢全然攏毋知
lí kám tsuân-jiân lóng m̄-tsai
心愛的
sim-ài–ê
你害我變成
lí hāi guá piàn-sîng
天下最可憐的人
thian-hā tsuè khó-lîn ê lâng
歡喜著佮你見面
huann-hí tio̍h kah lí kìnn-bīn
無疑無誤費心思
bô-gî-bô-gōo huì sim-su
加添著滿腹的憂悶
ka-thiam-tio̍h muá-pak ê iu-būn
害我心頭亂紛紛
hāi guá sim-thâu luān hun-hun
兩年前你對阮
nn̄g-nî tsîng lí tuì gún
花言巧語來欺騙
hua-giân khá-gí lâi khi-phiàn
兩年後你就來
nn̄g-nî āu lí tsiū lâi
變成天下最絕情的人
piàn-sîng thian-hā tsuè tsua̍t-tsîng ê lâng
