拜託天公祖
《拜託天公祖》Pài-thok Thinn-kong-tsóo
沈文程Sím Bûn-tîng
——————————————
透早一場雨
thàu-tsá tsi̍t-tiûnn hōo
落甲規下晡
lo̍h kah kui ē-poo
初次來佮伊約束
tshoo-tshù lâi kah i iok-sok
毋敢來耽誤
m̄-kánn lâi tam-gōo
天色也烏烏
thinn-sik iā oo-oo
又閣咧落雨
iū-koh teh lo̍h-hōo
穿甲媠媠的衫褲
tshīng kah suí-suí ê sann-khòo
沃甲澹糊糊
ak kah tâm-kôo-kôo
時間已經到
sî-kan í-king kàu
叫阮這陣欲如何
kiò gún tsit-tsūn beh jû-hô
偏偏這陣雨
phian-phian tsit tsūn hōo
阻礙著阮的跤步
tsóo-gāi tio̍h gún ê kha-pōo
拜託天公祖
pài-thok Thinn-kong-tsóo
毋通閣落雨
m̄-thang koh lo̍h-hōo
為著欲心愛的做伴
uī-tio̍h beh sim-ài–ê tsuè-phuānn
我毋驚艱苦
guá m̄-kiann kan-khóo
