夢見姝絲
《夢見姝絲》Bāng-kìnn Su-si
朱海君Tsu Hái-kun
——————————————
Suzie Wong Suzie Wong
一个莫名的愛
tsi̍t-ê bo̍k-bîng ê ài
Suzie Wong Suzie Wong
今夜無所不在
kim-iā bû-sóo-put-tsāi
–
天色昏暗夜舞臺
thinn-sik hun-àm iā bú-tâi
燈火漸光加色彩
ting-hué tsiām kng ka sik-tshái
啊~醒佇姝絲的世界
ah~ tshínn tī Su-si ê sè-kài
烏白畫面活起來
oo-pe̍h uē-bīn ua̍h–khí-lâi
月色沉海照漁排
gue̍h-sik tîm hái tsiò hî-pâi
石梯暗巷猶原在
tsio̍h-thui àm-hāng iu-guân tsāi
啊~行過凌亂的門牌
ah~ kiânn kuè lîng-luān ê mn̂g-pâi
夢袂清醒相思害
bāng buē tshing-tshínn siunn-si hāi
姝絲你夢中來
Su-si lí bāng-tiong lâi
姝絲你笑顏開
Su-si lí tshiò-gân khai
紅色黃色白色
âng-sik n̂g-sik pe̍h-sik
霓虹光起來
nî-hông kng–khí-lâi
笑顏開
tshiò-gân khai
姝絲你夢中來
Su-si lí bāng-tiong lâi
姝絲你笑顏開
Su-si lí tshiò-gân khai
紅酒黃酒白酒
âng-tsiú n̂g-tsiú pe̍h-tsiú
為你醉了
uī lí tsuì liáu
一擺閣一擺
tsi̍t-pái koh tsi̍t-pái
毋願醒來
m̄-guān tshínn–lâi
