西螺七劍
《西螺七劍》Sai-lê Tshit-kiàm
————————————-
少林寺 阿善師
Siàu-lîm-sī, A-siān-sai
唐山過海台灣來
Tn̂g-suann kuè-hái Tâi-uân lâi
收門徒 傳武藝
siu bûn-tôo, thuân bú-gē
雙拳單刀打擂台
siang-kûn tan-to tánn-luî-tâi
頭崁是雙龍取水
thâu-khàm sī siang-lîng tshú-tsuí
二崁是五虎下山
jī-khàm sī ngóo-hóo hā-san
三崁是犀牛望月
sann-khàm sī sai-gû bāng-ge̍h
四崁是仙女紡紗
sì-khàm sī sian-lú pháng-se
五崁是貂嬋照鏡
gōo-khàm sī Tiau-siân tsiò-kiànn
六崁是劉全進瓜
la̍k-khàm sī Lâu-tsuân tsìn-kue
七崁是關公拖刀
tshit-khàm sī Kuan-kong thua-to
狄青收寶馬
Ti̍k-tshing siu pó-bé
蓋世拳法無敵手
kài-sè kûn-huat bô ti̍k-tshiú
藥丹救世通人知
io̍h-tan kiù-sè thong-lâng-tsai
堂堂男兒好氣概
tông-tông lâm-jî hó khì-khài
西螺七劍
Sai-lê Tshit-kiàm
錦龍海鳳七英才
Gím, Lîng, Hái, Hōng, tshit ing-tsâi
