人生
《人生》Jîn-sing
滅火器樂團 Bia̍t-hué-khì Ga̍k-thuân
——————————————
一張白紙
tsi̍t-tiunn pe̍h-tsuá
踮在這个彩色世界
tiàm-tsāi tsit-ê tshái-sik sè-kài
變成你佮我
piàn-sîng lí kah guá
一陣有思想的人
tsi̍t-tīn ū su-sióng ê lâng
踮在這个現實社會
tiàm-tsāi tsit-ê hiān-si̍t siā-huē
受環境來折磨
siū khuân-kíng lâi tsiat-buâ
但是阮知影
tān-sī gún tsai-iánn
路愛家己行
lōo ài ka-tī kiânn
無論這條路上
bô-lūn tsit tiâu lōo siōng
敢有人做伴
kám ū-lâng tsuè-phuānn
但是阮知影
tān-sī gún tsai-iánn
夢愛家己拍拚
bāng ài ka-tī phah-piànn
無論這條路上
bô-lūn tsit tiâu lōo siōng
是坎坷猶是孤單
sī khám-khia̍t ia̍h-sī koo-tuann
人生這齣電影
jîn-sing tsit tshut tiān-iánn
就算閣較艱苦
tiō-sǹg koh-khah kan-khóo
嘛愛繼續搬
mā ài kè-sio̍k puann
用咱的跤步
iōng lán ê kha-pōo
行出屬於咱的路
kiânn tshut sio̍k-î lán ê lōo
毋管別人按怎講
m̄-kuán pa̍t-lâng án-tsuánn kóng
按怎看
án-tsuánn khuànn
人生這齣電影
jîn-sing tsit tshut tiān-iánn
就算閣較艱苦
tiō-sǹg koh-khah kan-khóo
嘛愛繼續搬
mā ài kè-sio̍k puann
用咱的希望
iōng lán ê hi-bāng
行出屬於咱的路
kiânn tshut sio̍k-î lán ê lōo
堅持咱的夢
kian-tshî lán ê bāng
活出精彩的性命
ua̍h tshut tsing-tshái ê sìnn-miā
