不幸的愛
《不幸的愛》Put-hīng ê Ài
葉啟田Ia̍p Khé-tiân
——————————————
放捒著一切真愛
pàng-sak tio̍h it-tshè tsin-ài
阮也袂了解
gún iā buē liáu-kái
初戀的三步珠淚
tshoo-luân ê sann-pōo tsu-luī
到今日才知
kàu kim-ji̍t tsiah tsai
女性梟雄的心內
lú-sìng hiau-hiông ê sim-lāi
才來哭悲哀
tsiah lâi khàu pi-ai
珠淚煞流出來
tsu-luī suah lâu–tshut-lâi
珠淚流出來
tsu-luī lâu–tshut-lâi
放捒著一切真情
pàng-sak tio̍h it-tshè tsin-tsîng
愛人來僥心
ài-jîn lâi hiau-sim
過去的真情真愛
kè-khì ê tsin-tsîng tsin-ài
毋是阮無情
m̄-sī gún bô-tsîng
敢是前世歹心行
kám-sī tsîng-sì pháinn-sim-hīng
今日來報應
kim-ji̍t lâi pò-ìng
珠淚煞流無停
tsu-luī suah lâu bô thîng
珠淚流無停
tsu-luī lâu bô thîng
放捒著一切苦哀
pàng-sak tio̍h it-tshè khóo-ai
望天來推排
bāng thinn lâi tshui-pâi
當初的真心對待
tong-tshoo ê tsin-sim tuì-thāi
毋知啥人害
m̄-tsai siánn-lâng hāi
糖甘蜜甜的情愛
thn̂g-kam-bi̍t-tinn ê tsîng-ài
變成悽慘代
piàn-sîng tshi-tshám tāi
懷念煞流目屎
huâi-liām suah lâu ba̍k-sái
懷念流目屎
huâi-liām lâu ba̍k-sái
