舊情放袂離
《舊情放袂離》Kū-tsîng Pàng Bē-lī
葉啟田Ia̍p Khé-tiân
——————————————
一旦來看破情愛
it-tàn lâi khuànn-phuà tsîng-ài
敢願佮伊分東西
kám guān kah i hun tang-sai
已經是毋想伊
í-king sī m̄-siūnn i
閣再倒轉去
koh-tsài tò-tńg–khì
因何踮在異鄉
in-hô tiàm-tsāi ī-hiong
猶原是每日
iu-guân sī muí-ji̍t
思念所愛的人
su-liām sóo-ài ê lâng
為將來重新做起
uī tsiong-lâi tiông-sin tsuè khí
改換環境來都市
kái-uānn khuân-kíng lâi too-tshī
哪著閣再為伊
ná-tio̍h koh-tsài uī i
舊情放袂離
kū-tsîng pàng buē-lī
最好提出勇氣
tsuè-hó the̍h tshut ióng-khì
放捒著憂悶心情
pàng-sak tio̍h iu-būn sim-tsîng
拍拚做人
phah-piànn tsuè-lâng
一生來活在世間
it-sing lâi ua̍h tsāi sè-kan
性命應該有界限
sìnn-miā ìng-kai ū kài-hān
無需要為悲情
bô su-iàu uī pi-tsîng
自己揣苦痛
tsū-kí tshē khóo-thàng
做事業頭一層
tsuè sū-gia̍p thâu-tsi̍t-tsân
希望是會當成功
hi-bāng sī ē-tàng sîng-kong
倒去故鄉
tò-khì kòo-hiong
