最後一幫夜快車
《最後一幫夜快車》Tsuè-āu Tsi̍t-pang Iā-khuài-tshia
葉啟田Ia̍p Khé-tiân
——————————————
最後一幫夜快車
tsuè-āu tsi̍t-pang iā-khuài-tshia
就欲開出去
tsiū beh khui–tshut-khì
載阮離開這个
tsài gún lī-khui tsit ê
傷心的城市
siong-sim ê siânn-tshī
孤一个人
koo tsi̍t-ê-lâng
三更半暝去流浪
sann-kinn-puànn-mî khì liû-lōng
實在也是不得已
si̍t-tsāi iā-sī put-tik-í
明仔載就是
bîn-á-tsài tsiū-sī
伊做新娘的日子
i tsuè sin-niû ê ji̍t-tsí
只好遠走他鄉里
tsí-hó uán-tsáu thann hiunn-lí
啊~無緣的人
ah~ bô-iân ê lâng
最後一幫夜快車
tsuè-āu tsi̍t-pang iā-khuài-tshia
了斷你我的情絲
liáu-tuān lí guá ê tsîng-si
夜色茫茫在車內
iā-sik bông-bông tsāi tshia-lāi
心情真稀微
sim-tsîng tsin hi-bî
有情無緣想著
ū-tsîng bô-iân siūnn tio̍h
只有吐大氣
tsí-ū thóo-tuā-khuì
戀愛夢雖然醒
luân-ài bāng sui-jiân tshínn
看破無容易
khuànn-phuà bô iông-īnn
一路思念愁袂離
tsi̍t-lōo su-liām tshiû buē-lī
總是望伊
tsóng-sī bāng i
會當幸福過日子
ē-tàng hīng-hok kuè ji̍t-tsí
甘願為情走千里
kam-guān uī tsîng tsáu tshian-lí
啊~無緣的人
ah~ bô-iân ê lâng
最後一幫夜快車
tsuè-āu tsi̍t-pang iā-khuài-tshia
了斷你我的情絲
liáu-tuān lí guá ê tsîng-si
