恨你愛我愛一半
《恨你愛我愛一半》Hūn Lí Ài Guá Ài Tsi̍t-puānn
董育君Táng Io̍k-kun
——————————————
若是你毋捌愛過我
nā-sī lí m̄-bat ài kuè guá
我就袂為你繼續留佇遮
guá tiō buē uī lí kè-sio̍k lâu tī tsia
一个人徛佇街仔路唱歌
tsi̍t-ê-lâng khiā tī ke-á-lōo tshiùnn-kua
若是你毋捌愛過我
nā-sī lí m̄-bat ài kuè guá
我就袂為你規暝徛佇遮
guá tiō buē uī lí kui-mê khiā tī tsia
一个人予雨沃甲毋知寒
tsi̍t-ê-lâng hōo hōo ak kah m̄-tsai kuânn
我恨你愛我愛一半
guá hūn lí ài guá ài tsi̍t-puànn
一分真情予我擔
tsi̍t-hun tsin-tsîng hōo guá tann
愛甲強欲無性命
ài kah kiōng-beh bô sìnn-miā
等無一領新娘衫
tán bô tsi̍t-niá sin-niû-sann
我恨你愛我愛一半
guá hūn lí ài guá ài tsi̍t-puànn
揹著心酸綴你行
phāinn tio̍h sim-sng tuè lí kiânn
明知結局是心疼
bîng-tsai kiat-kio̍k sī sim thiànn
輸予一分軟心肝
su hōo tsi̍t-hun nńg sim-kuann
若是你真正愛過我
nā-sī lí tsin-tsiànn ài kuè guá
你敢毋知影我的心偌疼
lí kám m̄ tsai-iánn guá ê sim guā thiànn
一个人為你靈魂去一半
tsi̍t-ê-jîn uī lí lîng-hûn khì tsi̍t-puànn
