內山兄哥病相思
《內山兄哥病相思》Lāi-suann Hiann-ko Pēnn-siunn-si
葉啟田 Ia̍p Khé-tiân
——————————————
↓—–(口白)—–↓
我未曾講
guá buē-tsîng kóng
跤手就軟
kha-tshiú tō nńg
心肝袂輸
sim-kuann buē-su
阿里山的火車
A-lí-san ê hué-tshia
咧崎
teh peh kiā
氣強欲掣斷
khuì kiōng-beh tshuah tn̄g
想著十年前的我
siūnn-tio̍h tsa̍p-nî tsîng ê guá
予彼个無緣的
hōo hit-ê bô-iân–ê
來共我放捒到這陣
lâi kā guá pàng-sak kàu tsit-tsūn
有時三工無睏
ū-sî sann-kang bô khùn
四工無起來食飯
sì-kang bô peh khí-lâi tsia̍h-pn̄g
我為伊消瘦
guá uī i siau-sán
為伊無靈魂
uī i bô lîng-hûn
變成甲
piàn-sîng kah
一个黃酸黃酸
tsi̍t-ê n̂g-sng-n̂g-sng
毋知影暗
m̄ tsai-iánn àm
毋知影天光
m̄ tsai-iánn thinn-kng
今仔日的我
kin-á-ji̍t ê guá
猶原孤單睏竹仔床
iu-guân koo-tuann khùn tik-á-tshn̂g
啊!人講
Ah! lâng kóng
秋風女人心
tshiu-hong lú-jîn sim
船過水無痕
tsûn kuè tsuí bô hûn
↑—–(口白)—–↑
啊~內山的小姑娘
ah~ lāi-suann ê sió koo-niû
梟雄放捒我做你去唷
hiau-hiông pàng-sak guá tsuè lí khì–ioh
若想起心愛的人
nā siūnn-khí sim-ài ê lâng
欲去無相辭
beh khì bô sio-sî
對我無情又無義
tuì guá bô-tsîng iū bô-gī
為怎樣來
uī tsuánn-iūnn lâi
為怎樣變心來嫁別人
uī tsuánn-iūnn piàn-sim lâi kè pa̍t-lâng
害我為你病相思唷
hāi guá uī lí pīnn-siunn-si–ioh
啊~無情的大花轎
ah~ bô-tsîng ê tuā hue-kiō
切斷你佮我的愛情唷
tshiat-tn̄g lí kah guá ê ài-tsîng–ioh
叫一聲心愛的人
kiò tsi̍t-siann sim-ài ê lâng
滿腹酸苦味
muá-pak sng-khóo-bī
日日傷心珠淚滴
ji̍t-ji̍t siong-sim tsu-luī tih
真枉費咱
tsin óng-huì lán
真枉費咱雙人有立誓
tsin óng-huì lán siang-lâng ū li̍p-sè
至今予我病相思唷
tsì-kim hōo guá pīnn-siunn-si–ioh
