你是我的性命根
《你是我的性命根》Lí Sī Guá ê Sìnn-miā-kin
葉啟田 Ia̍p Khé-tiân
——————————————
初戀的人
tshoo-luân ê lâng
心愛的人
sim-ài ê lâng
自從彼日來相見
tsū-tsiông hit-ji̍t lâi sio-kìnn
心心相愛無人知
sim-sim siong-ài bô-lâng tsai
約束踮在公園內
iok-sok tiàm-tsāi kong-hn̂g-lāi
談情說愛
tâm-tsîng suat-ài
歡喜在心內
huann-hí tsāi sim-lāi
你予我這段情意
lí hōo guá tsit tuānn tsîng-ì
永遠毋敢袂記
íng-uán m̄-kánn buē-kì
天頂月娘笑咪咪
thinn-tíng gue̍h-niû tshiò-bi-bi
歡喜著咱好情意
huann-hí tio̍h lán hó tsîng-ì
熱戀的人
jia̍t-luân ê lâng
可愛的人
khó-ài ê lâng
雙人情絲好袂離
siang-lâng tsîng-si hó buē-lī
相親相愛無阻礙
siong-tshin siong-ài bô tshóo-gāi
心愛倒在懷抱內
sim-ài tó tsāi huâi-phāu-lāi
美麗又標致
bí-lē iū phiau-tì
親像若西施
tshin-tshiūnn ná Se-si
你是我寒天火爐
lí sī guá kuânn-thinn hué-lôo
熱天的冷冰庫
jua̍h-thinn ê líng-ping-khòo
天頂的星光爍爍
thinn-tíng ê tshinn kng-sih-sih
對咱表示免傷悲
tuì lán piáu-sī bián siong-pi
狂戀的人
kông-luân ê lâng
難忘的人
lân-bōng ê lâng
你是我的性命根
lí sī guá ê sìnn-miā-kin
真心相愛無人害
tsin-sim siong-ài bô-lâng hāi
心情投機意綿綿
sim-tsîng tâu-ki ì mî-mî
春天若過去
tshun-thinn nā kè-khì
是咱結婚期
sī lán kiat-hun-kî
到彼時永遠做陣
kàu hit-sî íng-uán tsuè-tīn
快樂逍遙過日
khuài-lo̍k siau-iâu kè-ji̍t
天頂太陽紅記記
thinn-tíng thài-iông âng-kì-kì
伴咱幸福過百年
phuānn lán hīng-hok kè pah-nî
過百年
kè pah-nî
過百年
kè pah-nî
