你敢有愛過我
《你敢有愛過我》Lí Kám Ū Ài Kuè Guá
董育君 Táng Io̍k-kun
——————————————
誰佇夢中咧唱歌
siáng tī bāng-tiong teh tshiùnn-kua
唱著昔日的戀歌
tshiùnn tio̍h sik-ji̍t ê luân-kua
聲聲唱出
siann-siann tshiùnn-tshut
幸福過去的我
hīng-hok kuè-khì ê guá
誰佇夢中咧叫我
siáng tī bāng-tiong teh kiò guá
按怎予我遮心疼
án-tsuánn hōo guá tsiah sim thiànn
一聲一聲
tsi̍t-siann tsi̍t-siann
叫著傷心的我
kiò tio̍h siong-sim ê guá
你看今夜月娘的光線
lí khuànn kim-iā gue̍h-niû ê kng-suànn
照入心內予人遮孤單
tsiàu ji̍p sim-lāi hōo-lâng tsiah koo-tuann
你敢知影
lí kám tsai-iánn
你是我的性命
lí sī guá ê sìnn-miā
甘願一生青春來交換
kam-guān it-sing tshing-tshun lâi kau-uānn
換你行入夢中來陪伴
uānn lí kiânn-ji̍p bāng-tiong lâi puê-phuānn
予我知影
hōo guá tsai-iánn
你敢有愛過我
lí kám ū ài kuè guá
