不應該愛著你
《不應該愛著你》Put Ìng-kai Ài-tio̍h Lí
董育君Táng Io̍k-kun
——————————————
是我家己無注意
sī guá ka-kī bô tsù-ì
一步一步愛著你
tsi̍t-pōo-tsi̍t-pōo ài-tio̍h lí
心甘情願蹽落去
sim kam tsîng guān liâu–lo̍h-khì
醒來才知心攏碎
tshínn–lâi tsiah tsai sim lóng tshuì
是你故意叫阮來愛你
sī lí kòo-ì kiò gún lâi ài lí
無顧一切綴你去
bô kòo it-tshè tuè lí khì
委屈叫我一喙吞落去
uí-khut kiò guá tsi̍t-tshuì thun–lo̍h-khì
我的目屎
guá ê ba̍k-sái
你敢賠會起
lí kám puê ē khí
感情請你提轉去
kám-tsîng tshiánn lí the̍h–tńg-khì
傷心留予我家己
siong-sim lâu hōo guá ka-kī
無怨啥人無怨天
bô uàn siánn-lâng bô uàn thinn
是我不應該愛著你
sī guá put ìng-kai ài-tio̍h lí
