See You阿囉哈
《See You阿囉哈》
黃妃 N̂g Hui
——————————————
一手牽著孤單
tsi̍t-tshiú khan-tio̍h koo-tuann
一手攬著心疼
tsi̍t-tshiú lám tio̍h sim-thiànn
一條路雙人慢慢仔行
tsi̍t-tiâu lōo siang-lâng bān-bān-á kiânn
一步行過甜蜜
tsi̍t-pōo kiânn kuè tinn-bi̍t
一步踏著看破
tsi̍t-pōo ta̍h-tio̍h khuànn-phuà
是好䆀嘛攏是咱的命
sī hó-bái mā lóng-sī lán ê miā
一个痴情的人
tsi̍t-ê tshi-tsîng ê lâng
一對無緣的伴
tsi̍t-tuì bô-iân ê phuānn
一場夢最後無輸無贏
tsi̍t-tiûnn bāng tsuè-āu bô-su-bô-iânn
一句心內的話
tsi̍t-kù sim-lāi ê uē
一路依依難捨
tsi̍t-lōo i-i lân-siá
沿路閣唱著惜別的歌
iân-lōo koh tshiùnn tio̍h sioh-pia̍t ê kua
車站內的播音聲
tshia-tsām lāi ê pòo-im siann
聲聲句句
siann-siann-kù-kù
See you 阿囉哈
See you a-looh-ha
再會我的愛人
tsài-huē, guá ê ài-jîn
再會就欲拆散
tsài-huē, tiō beh thiah-suànn
毋甘嘛是仝款愛上車
m̄-kam, mā sī kāng-khuán ài tsiūnn-tshia
恬恬送你離開我
tiām-tiām sàng lí lī-khui guá
最後一聲
tsuè-āu tsi̍t-siann
See you 阿囉哈
See you, a-looh-ha
外面世界遐大
guā-bīn sè-kài hiah tuā
你著認真拍拚
lí tio̍h jīn-tsin phah-piànn
我永遠會為你等佇遮
guá íng-uán ē uī lí tán tī tsia
—
外面世界遐大
guā-bīn sè-kài hiah tuā
你著認真拍拚
lí tio̍h jīn-tsin phah-piànn
我永遠會為你等佇遮
guá íng-uán ē uī lí tán tī tsia
