檨仔花
《檨仔花》Suānn-á-hue
喬幼 Kiâu Iù
——————————————
思念著花蕊清芳
su-liām tio̍h hue-luí tshing-phang
佇夢中閣再開一欉
tī bāng-tiong koh-tsài khui tsi̍t tsâng
難忘的故鄉景致
lân-bōng ê kòo-hiong kíng-tì
最愛的心愛的人
tsuè-ài ê sim-ài ê lâng
啊~ 拍開心窗
ah~ phah khui sim-thang
檨仔花開滿欉
suāinn-á-hue khui muá-tsâng
阿爸佮阿母
a-pa kah a-bú
歡喜豐收好年冬
huann-hí hong-siu hó-nî-tang
養飼阮大漢
iúnn-tshī gún tuā-hàn
操勞毋肯放
tshau-lô m̄-khíng pàng
感謝一生最愛的人
kám-siā it-sing tsuè-ài ê lâng
