有你有我

由 ·

《有你有我》Ū Lí Ū Guá

郭婷筠 KUEH TÎNG-ÛN
曾瑋中 TSAN UÍ-TIONG
一句一句唱出著
tsi̍t kù tsi̍t kù tshiùnn-tshut-tio̍h
彼年的酸苦
hit-nî ê sng-khóo
一點一點想起著
tsi̍t tiám tsi̍t tiám siūnn-khí-tio̍h
當時的起起落落
tong-sî ê khí-khí-lo̍h-lo̍h
一聲一聲聽見著
tsi̍t siann tsi̍t siann thiann-kìnn-tio̍h
鼓勵佮疼惜
kóo-lē kah thiànn-sioh
一站一站感受著
tsi̍t tsām tsi̍t tsām kám-siū-tio̍h
溫暖攏囥佇心中
un-luán lóng khǹg tī sim-tiong
做伙沃過的風雨
tsò-hué ak-kuè ê hong-hōo
有你陪伴就袂寂寞
ū lí puê-phuānn tiō buē siok-bo̍k
過程有甜也有苦
kuè-tîng ū tinn iā ū khóo
越頭看攏是豐收的幸福
ua̍t-thâu khuànn lóng sī hong-siu ê hīng-hok
啊 有你有我互相疼惜
ah ū lí ū guá hōo-siong thiànn-sioh
所以從來毋驚艱苦
sóo-í tsiông-lâi m̄ kiann kan-khóo
只要有你有我互相幫助
tsí-iàu ū lí ū guá hōo-siong pang-tsōo
天無絕人之路
thinn bô tsua̍t jîn tsi lōo
啊 有你有我互相照顧
ah ū lí ū guá hōo-siong tsiàu-kòo
偌濟困難嘛袂阻擋
guā-tsuē khùn-lân mā buē tsóo-tòng
因為有你有我無煩無惱
in-uī ū lí ū guá bô-huân-bô-ló
笑笑拚出前途
tshiò-tshiò piànn-tshut tsiân-tôo
才是快樂
tsiah sī khuài-lo̍k
一工一工實現著
tsi̍t kang tsi̍t kang si̍t-hiān-tio̍h
彼時的祝福
hit-sî ê tsiok-hok
一步一步走揣著
tsi̍t pōo tsi̍t pōo tsáu-tshuē-tio̍h
屬於咱家己的路
sio̍k-î lán ka-kī ê lōo
—
有時陣
ū-sî-tsūn
難免揣無路
lân-bián tshuē bô lōo
我做你的地圖
guá tsuè lí ê tē-tôo
有時陣
ū-sî-tsūn
難免會失落
lân-bián ē sit-lo̍h
我來予你力量
guá lâi hōo lí li̍k-liōng

您可能也會喜歡…

跳至工具列