臺灣之夜
《臺灣之夜》Tâi-uân tsi Iā
許石 Khóo Tsio̍h
——————————————
台灣的暗暝
Tâi-uân ê àm-mî
台灣的暗暝
Tâi-uân ê àm-mî
繁華熱鬧台北市
huân-huâ jia̍t-lāu Tâi-pak-tshī
親像夢中的城市
tshin-tshiūnn bāng-tiong ê siânn-tshī
西門夜景無地比
Se-mn̂g iā-kíng bô-tè pí
雺燈有紅也有青
bông-ting ū âng iā ū tshinn
音樂歌聲奏情詩
im-ga̍k kua-siann tsàu tsîng-si
伴咱雙人情蜜甜
phuānn lán siang-lâng tsîng bi̍t-tinn
月娘光光照河邊
ge̍h-niû kng-kng tsiò hô-pinn
啊~難忘的月暝
ah~ lân-bōng ê ge̍h-mî
台灣的暗暝
Tâi-uân ê àm-mî
夢中的暗暝
bāng-tiong ê àm-mî
台灣的暗暝
Tâi-uân ê àm-mî
台灣的暗暝
Tâi-uân ê àm-mî
台中公園有出名
Tâi-tiong Kong-hn̂g ū tshut-miâ
景色宛然山水鏡
kíng-sik uán-jiân san-suí-kiànn
青春男女做陣行
tshing-tshun lâm-lí tsuè-tīn kiânn
雙人唱出好歌聲
siang-lâng tshiò-tshut hó kua-siann
月娘照阮二个影
ge̍h-niû tsiò gún nn̄g-ê iánn
池邊相好聽水聲
tî-pinn siong-hó thiann tsuí-siann
盡心欲愛貼心兄
tsīn-sim bueh ài tah-sim hiann
啊~月娘也知影
ah~ ge̍h-niû iā tsai-iánn
台灣的暗暝
Tâi-uân ê àm-mî
夢中的暗暝
bāng-tiong ê àm-mî
台灣的暗暝
Tâi-uân ê àm-mî
台灣的暗暝
Tâi-uân ê àm-mî
高雄火船行港內
Ko-hiông hué-tsûn kiânn káng-lāi
港口美麗人人愛
káng-kháu bí-lē lâng-lâng ài
月娘光光照過來
ge̍h-niû kng-kng tsiò–kè-lâi
四面變成兩光彩
sì-bīn piàn-sîng nn̄g kng-tshái
船螺若響心悲哀
tsûn-lê nā hiáng sim pi-ai
愛人就欲分東西
ài-jîn tsiū bueh hun tang-sai
你若盡心共阮愛
lí nā tsīn-sim kā gún ài
啊~ 早日緊轉來
ah~ tsá-ji̍t kín tńg–lâi
台灣的暗暝
Tâi-uân ê àm-mî
夢中的暗暝
bāng-tiong ê àm-mî
