夜半路燈
《夜半路燈》Iā-puànn Lōo-ting
許石 Khóo Tsio̍h
——————————————
夜半雺霧罩四邊
iā-puànn bông-bú tà sì-pinn
路燈光微微
lōo-ting kng bî-bî
路燈光微微
lōo-ting kng bî-bî
倚在燈柱悶無意
uá tsāi ting-thiāu būn bô-ì
靜靜等待伊
tsīng-tsīng tán-thāi i
靜靜等待伊
tsīng-tsīng tán-thāi i
夜半路燈照著阮
iā-puànn lōo-ting tsiò tio̍h gún
毋知阮心悶
m̄-tsai gún sim-būn
毋知阮心悶
m̄-tsai gún sim-būn
四邊靜靜那歇睏
sì-pinn tsīng-tsīng ná hioh-khùn
傷情獨自恨
siong-tsîng to̍k-tsū hūn
傷情獨自恨
siong-tsîng to̍k-tsū hūn
孤星伴月漸斜西
koo-tshinn phuānn-ge̍h tsiām tshiâ-sai
冷風又吹來
líng-hong iū tshe–lâi
冷風又吹來
líng-hong iū tshe–lâi
路燈伴阮失主裁
lōo-ting phuānn gún sit tsú-tshâi
憂愁啥人知
iu-tshiû siánn-lâng tsai
憂愁啥人知
iu-tshiû siánn-lâng tsai
