痴情為你心疼
《痴情為你心疼》Tshi-tsîng Uī Lí Sim Thiànn
曹雅雯Tsô Ngá-bûn
——————————————
窗外滴滴答答
thang-guā tih-tih-tah-tah
夜半落雨的聲
iā-puànn lo̍h-hōo ê siann
上驚思念
siōng kiann su-liām
拍醒阮的孤單
phah-tshínn gún ê koo-tuann
阮想欲問你一句
gún siūnn-beh mn̄g lí tsi̍t-kù
敢有真心愛我
kám ū tsin-sim ài guá
這句話等甲海焦石爛
tsit kù uē tán kah hái ta tsio̍h nuā
我為你目屎流焦
guá uī lí ba̍k-sái lâu ta
我為你受盡拖磨
guá uī lí siū-tsīn thua-buâ
是痴情予人心疼
sī tshi-tsîng hōo-lâng sim thiànn
你敢知影
lí kám tsai-iánn
敢是阮一生註定
kám-sī gún it-sing tsù-tiānn
敢講這是阮的命
kám-kóng tse sī gún ê miā
是今生無緣
sī kim-sing bô-iân
袂當做伴
buē-tàng tsuè-phuānn
只好到遮
tsí-hó kàu tsia
手牽緣份的線
tshiú khan iân-hūn ê suànn
心是無依無倚
sim sī bô-i-bô-uá
離開城市繁華
lī-khui siânn-tshī huân-huâ
寂寞來伴
tsi̍k-bo̍k lâi phuānn
想當初多情為愛
siūnn tong-tshoo to-tsîng uī ài
永遠攏袂變卦
íng-uán lóng buē piàn-kuà
無論偌艱苦
bô-lūn guā kan-khóo
我嘛認命
guá mā jīn-miā
我為你目屎流焦
guá uī lí ba̍k-sái lâu ta
我為你受盡拖磨
guá uī lí siū-tsīn thua-buâ
是痴情予人心疼
sī tshi-tsîng hōo-lâng sim thiànn
你敢知影
lí kám tsai-iánn
敢是阮一生註定
kám-sī gún it-sing tsù-tiānn
敢講這是阮的命
kám-kóng tse sī gún ê miā
是今生無緣
sī kim-sing bô-iân
袂當做伴
buē-tàng tsuè-phuānn
只好到遮
tsí-hó kàu tsia
我為你目屎流焦
guá uī lí ba̍k-sái lâu ta
我為你受盡拖磨
guá uī lí siū-tsīn thua-buâ
是情愛太過虛華
sī tsîng-ài thài kuè hi-hua
一陣風聲
tsi̍t-tsūn hong-siann
敢是阮一生註定
kám-sī gún it-sing tsù-tiānn
敢講這是阮的命
kám-kóng tse sī gún ê miā
為著愛的人
uī-tio̍h ài ê lâng
變甲軟汫
piàn kah nńg-tsiánn
忍受絕望
jím-siū tsua̍t-bāng
