戇戇
https://v.qq.com/x/page/l0508j94anv.html
《戇戇》Gōng-gōng
張燕清Tiunn Iàn-tshing
——————————————
我一个人孤孤單單
guá tsi̍t-ê-lâng koo-koo-tuann-tuann
也無人會安慰心疼
iā bô-lâng ē an-uì sim thiànn
只有窗外雨聲
tsí-ū thang-guā hōo-siann
交響著思念的歌
kau-hiáng tio̍h su-liām ê kua
一聲一聲彈
tsi̍t-siann tsi̍t-siann tuânn
只有唱予家己聽
tsí-ū tshiùnn hōo ka-tī thiann
等破碎的這粒心
tán phò-tshuì ê tsit lia̍p sim
袂為著伊陣陣疼
bē uī-tio̍h i tsūn-tsūn-thiànn
會知影路欲對佗位行
ē tsai-iánn lōo beh tuì tó-uī kiânn
若聽著我唱這條歌
nā thiann-tio̍h guá tshiùnn tsit tiâu kua
著了解阮心聲
tio̍h liáu-kái gún sim-siann
無人叫著阮的名
bô-lâng kiò tio̍h gún ê miâ
只有目睭金金看
tsí-ū ba̍k-tsiu kim-kim-khuànn
看到底我唱這條歌
khuànn tàu-té guá tshiùnn tsit tiâu kua
是唱予啥人聽
sī tshiùnn hōo siánn-lâng thiann
毋願叫著伊的名
m̄-guān kiò tio̍h i ê miâ
毋願目屎流予看
m̄-guān ba̍k-sái lâu hōo khuànn
看阮為著伊戇戇活
khuànn gún uī-tio̍h i gōng-gōng ua̍h
