唸歌予你聽
《唸歌予你聽》Liām-kua Hōo Lí Thiann
翁立友Ang Li̍p-iú
——————————————
哎啊哎啊哎啊我的媽
aih–ah aih–ah aih–ah wǒdemā
時代改變實在有夠大
sî-tāi kái-piàn si̍t-tsāi ū-kàu tuā
想欲趁錢成功出脫啦
siūnn-beh thàn-tsînn sîng-kong tshut-thuat–lah
紲攤紲攤開夜車
suà-thuann suà-thuann khui iā-tshia
少年拍拚為著奅姼仔
siàu-liân phah-piànn uī-tio̍h phānn tshit-á
成家以後為著飼某囝
sîng-ke í-āu uī-tio̍h tshī bóo-kiánn
中年過後一切攏註定
tiong-liân kuè-āu it-tshè lóng tsù-tiānn
勸你莫閣莫閣為錢賭性命
khǹg lí mài koh mài koh uī tsînn tóo sìnn-miā
其實較早我嘛無出名
kî-si̍t khah-tsá guá mā bô tshut-miâ
較早英雄嘛是蹛庄跤
khah-tsá ing-hiông mā sī tuà tsng-kha
為著生活為著阿娜答
uī-tio̍h sing-ua̍h uī-tio̍h a-ná-tah
逐工暗時拚到欲透早
ta̍k-kang àm-sî piànn kah beh thàu-tsá
離開故鄉啥人袂孤單
lī-khui kòo-hiong siánn-lâng buē koo-tuann
孤單聽歌才會有感覺
koo-tuann thiann kua tsiah ē ū kám-kak
石頭毋知何時才會爛
tsio̍h-thâu m̄-tsai hô-sî tsiah ē nuā
海水才會焦
hái-tsuí tsiah ē ta
啊這杯我先予焦
ah tsit pue guá sing hōo ta
其實我的心事
kî-si̍t guá ê sim-sū
無人知影
bô-lâng tsai-iánn
海海人生
hái-hái jîn-sing
按呢爾爾
án-ne niā-niā
好䆀字運攏是命
hó-bái jī-ūn lóng-sī miā
想想遐濟敢有較縒
siūnn-siūnn hiah tsē kám ū-khah-tsua̍h
你的心事我嘛知影
lí ê sim-sū guá mā tsai-iánn
人情世事重重疊疊
jîn-tsîng-sè-sū tîng-tîng-tha̍h-tha̍h
有我陪你免著驚
ū guá puê lí bián tio̍h-kiann
我來唱歌
guá lâi tshiùnn-kua
啊唸歌予你聽
ah liām-kua hōo lí thiann
阿爸少年嘛是烏狗兄
a-pah siàu-liân mā sī oo-káu-hiann
母仔以前嘛是空中小姐(差一點仔)
bú–á í-tsîng mā sī khong-tiong sió-tsiá (tsha tsi̍t-tiám-á)
山盟海誓嘛是按呢爾爾
san-bîng-hái-sè mā sī án-ne niā-niā
有緣才會牽手做陣行
ū-iân tsiah ē khan-tshiú tsuè-tīn kiânn
我愛你
guá ài lí
愛你無條件
ài lí bô tiâu-kiānn
心愛的阿娜答
sim-ài ê a-ná-tah
我愛你愛你
guá ài líài lí
愛你到老啦
ài lí kàu lāu–lah
我若買厝閣買車
guá nā bé tshù koh bé tshia
攏登記你的名(按呢好無)
lóng ting-kì lí ê miâ (án-ne hó–bô)
人生就是一齣好電影
jîn-sing tiō-sī tsi̍t-tshut hó tiān-iánn
主角配角好䆀家己搬
tsú-kak phuè-kak hó bái ka-tī puann
毋是人人出世就好命
m̄-sī lâng-lâng tshut-sì tiō hó-miā
毋免比並誰是好命囝
m̄-bián pí-phīng siáng sī hó-miā kiánn
離開愛人啥人袂孤單
lī-khui ài-jîn siánn-lâng buē koo-tuann
所以情歌才會遮好聽
sóo-í tsîng-kua tsiah ē tsiah hó-thiann
為著咱的理想咱的夢
uī-tio̍h lán ê lí-sióng lán ê bāng
上山落海攏毋驚
tsiūnn-suann lo̍h-hái lóng m̄-kiann
我啥物攏毋驚
guá siánn-mi̍h lóng m̄-kiann
其實我的心事
kî-si̍t guá ê sim-sū
無人知影
bô-lâng tsai-iánn
海海人生
hái-hái jîn-sing
按呢爾爾
án-ne niā-niā
好䆀字運攏是命
hó-bái jī-ūn lóng-sī miā
想想遐濟敢有較縒
siūnn-siūnn hiah tsē kám ū-khah-tsua̍h
你的心事我嘛知影
lí ê sim-sū guá mā tsai-iánn
人情世事重重疊疊
jîn-tsîng-sè-sū tîng-tîng-tha̍h-tha̍h
有我陪你免著驚
ū guá puê lí bián tio̍h-kiann
我來唱歌
guá lâi tshiùnn-kua
啊唸歌予你聽
ah liām-kua hōo lí thiann
