世間男女
《世間男女》Sè-kan Lâm-lú
翁立友Ang Li̍p-iú
——————————————
秋風吹啊吹
tshiu-hong tshue–ah tshue
淒涼氣味鑽心底
tshe-liâng khì-bī tsǹg sim-té
蝴蝶飛啊飛
ôo-tia̍p pue–ah pue
雙雙對對飛做伙
siang-siang-tuì-tuì pue tsò-hué
女人親像花
lú-jîn tshin-tshiūnn hue
予人痴心使人迷
hōo-lâng tshi-sim sú-lâng bê
如今隨風飛
jû-kim suî hong pue
花謝落塗不再回
hue siā lo̍h-thôo put-tsài huê
世間男女遐爾濟
sè-kan lâm-lú hiah-nī tsē
偏偏愛著你一个
phian-phian ài-tio̍h lí tsi̍t-ê
上天安排這一切
siōng-thian an-pâi tse it-tshè
有緣無份誰可憐
ū-iân bô-hūn siáng khó-liân
世間男女遐爾濟
sè-kan lâm-lú hiah-nī tsē
偏偏愛著你一个
phian-phian ài-tio̍h lí tsi̍t-ê
男歡女愛的情債
lâm huan lú ài ê tsîng-tsè
怎樣不斷咧輪迴
tsuánn-iūnn put-tuān teh lûn-huê
