孤戀花
《孤戀花》Koo-luân Hue
紀露霞Kí Lōo-hâ
——————————————
風微微
hong bî-bî
風微微
hong bî-bî
孤單悶悶在池邊
koo-tuann būn-būn tsāi tî-pinn
水蓮花滿滿是
tsuí-liân-hue muá-muá-sī
靜靜等待露水滴
tsīng-tsīng tán-thāi lōo-tsuí tih
啊~ 阮是思念郎君伊
ah~ gún sī su-liām long-kun i
暗相思無講起
àm siunn-si bô kóng-khí
欲講驚兄心懷疑
beh kóng kiann hiann sim huâi-gî
月光暝
ge̍h-kng mî
月光暝
ge̍h-kng mî
夜夜思君到深更
iā-iā su kun kàu tshim-kinn
人消瘦無元氣
lâng siau-sán bô guân-khì
為君唱出斷腸詩
uī kun tshiùnn tshut tuān-tn̂g si
啊~ 蝴蝶弄花也有時
ah~ ôo-tia̍p lāng-hue iā ū-sî
孤單阮薄命花
koo-tuann gún po̍k-bīng hue
親像瓊花無一暝
tshin-tshiūnn khîng-hue bô tsi̍t-mî
月斜西
ge̍h tshiâ sai
月斜西
ge̍h tshiâ sai
真情想君君毋知
tsin-tsîng siūnn kun kun m̄-tsai
青春欉啥人害
tshing-tshun tsâng siánn-lâng hāi
變成落葉相思栽
piàn-sîng lo̍h-hio̍h siunn-si tsai
啊~ 追想郎君的真愛
ah~ tui-siūnn lông-kun ê tsin-ài
獻笑容暗悲哀
hiàn tshiò-iông àm pi-ai
期待陽春花再開
kî-thāi iông-tshun hua tsài khai
