又閣是暗淡的月

《又閣是暗淡的月》Iū-koh Sī Àm-tām ê Gue̍h
俞隆華Jû Liông-huâ
——————————————
彼段戀情
hit tuānn luân-tsîng
已經輕輕飄過
í-king khin-khin phiau–kuè
往事難再回
óng-sū lân tsài huê
枯葉被風吹
koo-hio̍h pī hong tshue
我被伊放捒孤一个
guá pī i pàng-sak koo-tsi̍t-ê
多情換來傷心後悔
to-tsîng uānn lâi siong-sim hiō-hué

今夜又閣是暗淡的月
kim-iā iū-koh sī àm-tām ê gue̍h
我猶原寂寞無人陪
guá iu-guân tsi̍k-bo̍k bô-lâng puê
如今我深深體會
jû-kim guá tshim-tshim thé-huē
愛情無真嘛無假
ài-tsîng bô tsin mā bô ké

只是我自己
tsí-sī guá tsū-kí
對伊太痴迷
tuì i thài tshi-bê
雖然時間
sui-jiân sî-kan
會當袂記一切
ē-tàng buē-kì it-tshè
總是難消
tsóng-sī lân siau
我滿腹的恨火
guá muá-pak ê hūn-hué