無聊的人生

《無聊的人生》Bô-liâu ê Jîn-sing
邱蘭芬Khu Lân-hun
——————————————
若想起彼當時的你我
nā siūnn-khí hit-tong-sî ê lí guá
兩人好情意
nn̄g-lâng hó tsîng-ì
無疑會今仔日佮你離開
bô-gî ē kia̋nn-ji̍t kah lí lī-khui
喂~喂~請你著愛原諒欸
uê~ uê~ tshiánn lí tio̍h-ài guân-liōng–eh
我希望你會永遠
guá hi-bāng lí ē íng-uán
不時踮在我的身邊
put-sî tiàm-tsāi guá ê sin-pinn

袂當啦袂當袂當
buē-tàng–lah buē-tàng buē-tàng
袂當閣再活落去
buē-tàng koh-tsài ua̍h–lo̍h-khì
無你的人生
bô lí ê jîn-sing
親像烏暗
tshin-tshiūnn oo-àm
喂~喂~請你趕緊轉來欸
uê~ uê~ tshiánn lí kuánn-kín tńg–lâi eh
你現在踮在哪裡
lí hiān-tsāi tiàm-tsāi ná-lí
我的心內的彼个人
guá ê sim-lāi ê hit ê lâng

早起啊有人
tsá-khí–ah ū-lâng
看著新聞啟事流目屎
khuànn-tio̍h sin-bûn khé-sū lâu ba̍k-sái
怎樣你今仔日嫁予別人
tsánn-iūnn lí kia̋nn-ji̍t kè hōo pa̍t-lâng
喂~喂~怎樣遮爾無情欸
uê~ uê~ tsánn-iūnn tsiah-nī bô-tsîng–eh
可憐的我的運命
khó-lîn ê guá ê ūn-miā
夜夜怨嘆我的人生
iā-iā uàn-thàn guá ê jîn-sing