十年情

《十年情》Tsa̍p-nî Tsîng

邱賢桂Khu Hiân-kuì

——————————————

十年前你來離開我

tsa̍p-nî tsîng lí lâi lī-khui guá

全無帶念咱的情份

tsuân bô tài-liām lán ê tsîng-hūn

你為理想放我一人

lí uī lí-sióng pàng guá tsi̍t-lâng

敢知影我心內有偌疼

kám tsai-iánn guá sim-lāi ū guā thiànn

如今你已經轉來

jû-kim lí í-king tńg–lâi

我袂予你閣再離開

guá buē hōo lí koh-tsài lī-khui

毋管以後是苦抑甜

m̄-kuán í-āu sī khóo ia̍h tinn

你愛陪我一直到老

lí ài puê guá it-ti̍t kàu lāu

希望你這擺

hi-bāng lí tsit-pái

會當好好共我來疼痛

ē-tàng hó-hó kā guá lâi thiànn-thàng

毋通閣放我

m̄-thang koh pàng guá

戇戇咧等待

gōng-gōng teh tán-thāi

希望以後每暗

hi-bāng í-āu muí-àm

有你共我攬

ū lí kā guá lám

予我一暝到天光

hōo guá tsi̍t-mî kàu thinn kng

—

希望以後每工有你

hi-bāng í-āu muí-kang ū lí

共我攬

kā guá lám

共我惜命命

kā guá sioh-miā-miā