幸福進行曲

《幸福進行曲》Hīng-hok Tsìn-hîng-khik
林強 Lîm Kiông
——————————————
因為你
in-uī lí
冬雪已化做春天的溪水
tang-seh í huà-tsuè tshun-thinn ê khe-tsuí
因為你
in-uī lí
雁行千里鬥陣來相隨
gān-hîng tshian-lí tàu-tīn lâi siong-suî
咱的青春
lán ê tshing-tshun
是一段唱袂完的歌詩
sī tsi̍t-tuānn tshiùnn buē uân ê kua-si
咱的未來
lán ê bī-lâi
是寫咧日誌紙的愛你
sī siá teh ji̍t-tsì-tsuá ê ài–lí

一个人一支吉他
tsi̍t-ê-lâng tsi̍t-ki gì-tah
抱著希望
phō tio̍h hi-bāng
阮來到親切的臺北城
gún lâi-kàu tshin-tshiat ê Tâi-pak-siânn
拄著你是阮緣份
tú-tio̍h lí sī gún iân-hūn
感謝上天對阮的安排
kám-siā siōng-thian tuì gún ê an-pâi

你講你欲唱一首歌
lí kóng lí beh tshiùnn tsi̍t-siú kua
幸福進行曲
hīng-hok tsìn-hîng-khik
這是阮為你寫的一首歌
tse sī gún uī lí siá ê tsi̍t-siú kua
日子隨風吹
ji̍t-tsí suî hong tshue
一生只愛你一个
it-sing tsí ài lí tsi̍t-ê
春夏秋冬
tshun hā tshiu tang
阮無你
gún bô lí
怎樣過
tsuánn-iūnn kuè

您可能也會喜歡…

跳至工具列