初戀春夢

《初戀春夢》Tshoo-luân Tshun-bāng
林峰Lîm Hong
——————————————
為著欲佮你見面
uī-tio̍h beh kah lí kìnn-bīn
甘願等到規半暝
kam-guān tán-kàu kui puànn-mî
為怎樣等到這時
uī-tsuánn-iūnn tán-kàu tsit-sî
也無看見你的面
iā bô khuànn-kìnn lí ê bīn
夜港邊海風淒冷
iā káng-pinn hái-hong tshe-líng
加添心稀微
ka-thiam sim hi-bî
你佮我約束的代誌
lí kah guá iok-sok ê tāi-tsì
敢會放袂記
kám ē pàng-bē-kì

想彼時你我雙人
siūnn hit-sî lí guá siang-lâng
談情說愛到深更
tâm-tsîng sueh-ài kàu tshim-kinn
毋管是海風淒冷
m̄-kuán sī hái-hong tshe-líng
毋管海鳥亂亂啼
m̄-kuán hái-tsiáu luān-luān thî
我對你吐出真情
guá tuì lí thòo-tshut tsin-tsîng
你也有表示
lí iā ū piáu-sī
我心內一時感覺著
guá sim-lāi tsi̍t-sî kám-kak tio̍h
初戀好滋味
tshoo-luân hó tsu-bī

月光暝踮在港邊
ge̍h-kng-mî tiàm-tsāi káng-pinn
想起甜蜜的情愛
siūnn-khí tinn-bi̍t ê tsîng-ài
我對你真心真意
guá tuì lí tsin-sim tsin-ì
相信你也會了解
siong-sìn lí iā ē liáu-kái
為怎樣偏偏予我
uī-tsánn-iūnn phian-phian hōo guá
吐氣暗悲哀
thóo-khuì àm pi-ai
希望你毋通放袂記
hi-bāng lí m̄-thang pàng-bē-kì
初戀的情愛
tshoo-luân ê tsîng-ài