田嬰點水

《田嬰點水》Tshân-inn Tiám-tsuí

林俊吉Lîm Tsùn-kiat

——————————————

一粒流星墜落水面

tsi̍t-lia̍p liû-tshinn tuī-lo̍h tsuí-bīn

水湧牽連綿綿情絲

tsuí-íng khan-liân mî-mî tsîng-si

你用聲聲甜言

lí iōng siann-siann tinn-giân

將阮包圍

tsiong gún pau-uî

用句句的蜜語

iōng kù-kù ê bi̍t-gí

將阮粉碎

tsiong gún hún-tshuì

你的餅遐爾大

lí ê piánn hiah-nī tuā

又閣遐爾圓

iū-koh hiah-nī înn

最後的結果

tsuè-āu ê kiat-kó

是苦毋是甜

sī khóo m̄-sī tinn

啊~田嬰田嬰

ah~ tshân-inn tshân-inn

多情是你的名字

to-tsîng sī lí ê miâ-jī

點水的緣份

tiám-tsuí ê iân-hūn

就親像一齣戲

tiō tshin-tshiūnn tsi̍t-tshut hì

曾經的愛

tsan-king ê ài

予阮偷偷暗歡喜

hōo gún thau-thau àm huann-hí

覺醒了後

kak-tshínn liáu-āu

如今只賰傷心的記持

jû-kim tsí tshun siong-sim ê kì-tî

到底你欲飛佗去

tàu-té lí beh pue tueh khì

按怎你會攏無看見

án-tsuánn lí ē lóng bô khuànn-kìnn

面頭前這欉花蕊

bīn-thâu-tsîng tsit tsâng hue-luí