一个伴

https://www.youtube.com/watch?v=fXTZuKMQb-M&fbclid=IwAR2XLnsuwVXKexXN86FP_gwpYJGmmeLHQj_C_zgWnCdAfaRtbagyJthHy7I

《一个伴》Tsi̍t-ê Phuānn

林良歡Lîm Liông-huan

——————————————

白雲驚風吹

pe̍h-hûn kiann hong tshue

吹了散

tshue liáu suànn

月娘照光

gue̍h-niû tsiò kng

驚烏雲閘

kiann oo-hûn tsa̍h

人的心

lâng ê sim

上驚無依倚

siōng kiann bô i-uá

浮浮沉沉

phû-phû-tîm-tîm

漂流寒夜寒

phiau-liû hân-iā kuânn

鴛鴦相綴成雙對

uan-iunn siong-tuè sîng-siang-tuì

蝴蝶雙雙飛

ôo-tia̍p siang-siang pue

伴相隨

phuānn-sio-suî

人一生需要有伴侶

lâng it-sing su-iàu ū phuān-lī

手牽手心心相印

tshiú khan-tshiú sim-sim siong-ìn

形影不離

hîng-iánn put-lî

我嘛需要一个伴

guá mā su-iàu tsi̍t-ê phuānn

開講體貼的伴

khai-káng thé-thiap ê phuānn

會當疼惜我

ē-tàng thiànn-sioh guá

會來保護我照顧我

ē lâi pó-hōo guá tsiàu-kòo guá

我欲走揣一个伴

guá beh tsáu-tshuē tsi̍t-ê phuānn

聽阮心事貼心的伴

thiann gún sim-sū tah-sim ê phuānn

予烏白的生活

hōo oo-pe̍h ê sing-ua̍h

有彩色的光線

ū tshái-sik ê kng-suànn