恨愛情

《恨愛情》Hūn Ài-tsîng

林良歡Lîm Liông-huan

——————————————

愛情像戰爭

ài-tsîng tshiūnn tsiàn-tsing

輸贏傷感情

su-iânn siong-kám-tsîng

為愛來犧牲

uī ài lâi hi-sing

啥人來同情

siánn-lâng lâi tông-tsîng

有人巧天生

ū-lâng khiáu thian-sing

有人失聰明

ū-lâng sit tshong-bîng

情場高手若現形

tsîng-tiûnn ko-tshiú nā hiàn-hîng

阮註定敗在眼前

gún tsù-tiānn pāi tsāi gán-tsîng

是阮無路用

sī gún bô-lōo-īng

抑是阮無行情

ia̍h-sī gún bô hâng-tsîng

是阮歹環境

sī gún pháinn khuân-kíng

無夠資格佮人來比並

bô-kàu tsu-keh kah lâng lâi pí-phīng

溫柔個性爸母生成

un-jiû kò-sìng pē-bú senn-sîng

恨愛情綴袂著流行

hūn ài-tsîng tuè buē-tio̍h liû-hîng

人若問阮的愛情

lâng nā mn̄g gún ê ài-tsîng

抽靈籤求神明

thiu lîng-tshiam kiû sîn-bîng

溫柔個性爸母生成

un-jiû kò-sìng pē-bú senn-sîng

恨愛情遮爾無公平

hūn ài-tsîng tsiah-nī bô kong-pîng

行毋知路的天兵

kiânn m̄-tsai-lōo ê thian-ping

哪通招阮共度人生

ná thang tsio gún kiōng-tōo jîn-sing